Y lle delfrydol i fynd am dro amser cinio, yn y bore bach (neu i godi archwaeth am ddarn o gacen yng Nghaffi Glan y Llyn!) mae Llwybr Cerdded Cyswllt y Llynnoedd yn un da am dro bach hanner awr.
Llwybr godidog trwy’r coed ac ymlaen at y golygfeydd panoramig agored sy’n cysylltu’r ddau lyn a’u llwybrau.
Cyfeirnod Map yr Arolwg Ordnans SH 96118 57146.
Ewch trwy'r coed tua'r ffordd fawr (B4501). Ar ôl cyrraedd y ffordd, fe welwch fod y llwybr yn parhau yn union gyferbyn. Cymrwch ofal wrth groesi.
Ewch trwy'r coed eto, gan groesi yn syth ymlaen wrth gyrraedd ffordd y goedwig a dilyn y llwybr o'r fan yna eto.
Fe welwch chi'r giatiau (os yw'r tywydd yn caniatáu!) sy'n arwain ymlaen trwy Warchodfa Natur Hafod Elwy ar ddiwedd llinell y coed.
Mae’r golygfeydd yn agor allan yn odidog eto yn y fan yma i’r chwith ac i’r dde. Dilynwch y marcwyr nes eich bod chi’n mynd i lawr am Lyn Alwen.
Parhewch i lawr y llwybr gan ddilyn y marcwyr, ac fe welwch chi’r bont bren hyfryd a fydd yn mynd â chi dros y dŵr, neu dilynwch y marcwyr i ddilyn llwybr o’ch dewis.
9.5m / 15km. Yr antur perffaith yn yr awyr iach, gallwch ddisgwyl i’r llwybr cylchol cymedrol yma o amgylch Llyn Brenig gymryd tua 4 awr i’w gwblhau.
• EWCH I’R LLWYBR •9.5m / 14.5km. Y gorau o ddau fyd! Mae’r llwybr cerdded cylchol yma’n cyfuno Llwybr Cerdded Brenig a Llwybr Cerdded Alwen, ac mae golygfeydd godidog ar hyd y ffordd.
• EWCH I’R LLWYBR •2.5m / 4km. Tro byr o amgylch Argae Brenig, bydd Llwybr Cerdded yr Argae’n cymryd tua 1 awr ac mae’n berffaith i deuluoedd a’u cŵn!
• EWCH I’R LLWYBR •
