Oeddech chi’n gwybod bod nifer o arteffactau o’r Oes Efydd wedi dod i’r wyneb wrth adeiladu’r llyn. Roedd helwyr a chasglwyr Mesolithig yn defnyddio’r safle fel gwersyll. Mae gwaith ddadansoddi radiocarbon ar y golosg o’r tanau wedi dyddio hyn i tua 5700 CC. Gallwch ddilyn nifer o lwybrau archaeolegol, ac mae’r creiriau sydd i’w gweld yn cynnwys carnedd gylchog (tomen gladdu o’r Oes Efydd) a sawl crug!
Mae’r llwybr cerdded yma’n cyfuno llwybrau Brenig ac Alwen. Croeso i chi ddod â chŵn ond rhaid eu cadw dan reolaeth dynn am fod y llwybr yn mynd trwy gaeau defaid.
Cyfeirnod map SH 9732 5530
O'r Ganolfan Ymwelwyr, ewch tua'r argae a throwch i'r dde i fyny'r bryn tua'r brif fynedfa.
Edrychwch i'r dde wrth y brif fynedfa, a chymrwch ofal wrth groesi'r ffordd. Dilynwch y marcwyr bron yn syth am 'Lwybr Cyswllt y Llynnoedd' a fydd yn mynd â chi i Faes Parcio Alwen.
Ewch i'r dde allan o'r maes parcio gan ddilyn marcwyr y llwybr cylchol, ymhen rhyw 1 ½ milltir, cadwch lygad am y marciwr ar y chwith a fydd yn mynd â chi trwy'r goedwig i lan y llyn.
Dilynwch y llwybr ar hyd y lan a fydd yn mynd â chi trwy'r goedwig ac allan yr ochr arall. Ewch tua'r dde, gan ddilyn marciau'r llwybr cylchol eto.
Bydd y llwybr yma, sy'n arw mewn mannau, yn mynd â chi'r holl ffordd nôl i'r ffordd fawr. Croeswch y ffordd a dilynwch y llwybr i'r gyffordd nesaf. Trowch i'r dde wrth y gyffordd. Dilynwch y llwybr ar hyd ymyl y llyn ac yn ôl i'r Ganolfan Ymwelwyr.
2.5m / 4km. Taith gerdded fer o amgylch Argae Brenig, gallwch ddisgwyl i Lwybr Cerdded yr Argae gymryd tua 1 awr ac mae’n berffaith i deuluoedd a’u cŵn.
• EWCH I’R LLWYBR •5m / 8km. Taith gymedrol, 5 milltir o hyd trwy’r goedwig. Gallwch ddisgwyl i Lwybr Cerdded Elorgarreg gymryd tua 2 awr i’w gwblhau.
• EWCH I’R LLWYBR •9.5m / 15km. Yr antur perffaith yn yr awyr agored, gallwch ddisgwyl i’r daith gerdded gylchol gymedrol yma o amgylch Llyn Brenig gymryd tua 4 awr i’w chwblhau.
• EWCH I’R LLWYBR •
