Rydw i a fy meic mynydd yn ymwelwyr cyson. Mae’r llwybrau’n wych a’r golygfeydd yn fendigedig.
Trip Advisor – 2020
Mae gan Lyn Brenig amrywiaeth o lwybrau beicio o lefelau amrywiol – bob un yn manteisio’n llawn ar yr amodau a’r tirweddau perffaith ar gyfer beicio. Dyna pam rydym yn un o’r lleoedd mwyaf poblogaidd i feicio yng ngogledd Cymru, neu’r wlad efallai!
Ni waeth beth yw eich oedran neu allu beicio, mae Llyn Brenig yn ffordd hwyliog ac iach o archwilio rhai o’r 2500 erw sy’n amgylchynu’r llyn. Mae rhwydwaith o lwybrau ag arwyddbyst ar gael i chi feicio ar eu hyd, neu gallwch ddewis eich llwybr eich hun os yw’n well gennych.
Mae mannau parcio beics ar gael.
Yn Llyn Brenig, gallwch logi beics o wahanol feintiau ar gyfer oedolion a phlant, yn ogystal â threlars beics, i grwydro’r ystâd neu fentro ychydig bach ymhellach yn y Gogledd!
Ar gael i’w llogi rhwng 9.00am a 3.00pm, rydyn ni’n agored 7 diwrnod yr wythnos dros fisoedd yr haf, a thrwy fwcio ymlaen llaw rhwng Tachwedd a Mawrth.
Rydyn ni’n argymell bwcio ymlaen llaw bob amser i osgoi siom, yn arbennig os ydych chi’n dod fel grŵp.
Noder: rhaid dangos tystiolaeth pwy ydych chi adeg llogi, fel pasbort, trwydded yrru neu gerdyn banc dilys. Mae’r amodau a thelerau llogi llawn ar gael ar gais, a rhaid llofnodi ffurflen bwcio i gydnabod eich bod wedi darllen yr amodau a’r telerau hyn adeg llogi.
